Iran inaadhimisha miaka 46 ya ushindi ya Mapinduzi ya Kiislamu kikanda na duniani
Maadhimisho hayo yalianza rasmi saa 3:30 asubuhi kwa saa za ndani kote Tehran na takriban miji, miji midogo, na wilaya 1,400, pamoja na vijiji 38,000 kote Iran.
Licha ya hali ya hewa baridi katika mji mkuu, umati mkubwa wa watu ulikusanyika kabla ya muda rasmi wa kuanza, ikiashiria shauku na dhamira yao kubwa kwa misingi ya Mapinduzi ya Kiislamu ya 1979.
Washiriki kutoka tabaka zote za jamii, wakiwemo idadi kubwa ya vijana wa vizazi vya miaka ya 2000 na 2010, walihudhuria maandamano hayo pamoja na familia zao, jambo lililoakisi mwendelezo wa ushiriki wa vijana wa Iran. Hafla hizo pia zilihudhuriwa na watu mashuhuri kutoka sekta za utamaduni na sanaa.
Maandamano hayo yalijumuisha maonyesho na burudani mbalimbali, kama vile maonesho ya kuruka kwa parachuti na maonesho ya sanaa za mapigano yaliyofanywa na wanamichezo wa kike katika Uwanja wa Enghelab jijini Tehran.
Maonesho ya ishara pia yalikuwepo, yakiwemo maigizo ya kukamatwa kwa Waziri Mkuu wa Israel Benjamin Netanyahu, pamoja na kuchomwa kwa sanamu zinazofanana na aliyekuwa Rais wa Marekani Donald Trump na Netanyahu.
Katika njia kuu za maandamano, hususan kati ya Uwanja wa Imam Hussein na Uwanja wa Azadi, zaidi ya vibanda 2,000 vilisimamishwa vikitoa huduma za kitamaduni, kisanii, taarifa, matibabu, na ukarimu.
Vibanda hivyo, vilivyoandaliwa na makundi mbalimbali ya kiraia, mashirika, na taasisi za serikali, viliangazia mafanikio ya Mapinduzi ya Kiislamu, ikiwa ni pamoja na maonyesho ya bidhaa za viwandani zinazozalishwa ndani ya nchi.
Nguvu ya Watu Ndio Mhimili Mkuu wa Mapinduzi ya Kiislamu: Afisa
Maelfu ya vikundi vya waimbaji wa kwaya walitumbuiza kote nchini, wakiongeza mguso wa muziki katika sherehe hizo. Vilevile, qaswida za kidini zilisikika katika njia za maandamano.
Huduma za vyombo vya habari zilikuwa za kina, ambapo waandishi wa habari, wapiga picha, na waandaaji wa matangazo wapatao 7,200 kutoka vyombo vya habari vya ndani na kimataifa waliripoti matukio hayo.
Sherehe kuu katika Uwanja wa Azadi jijini Tehran zilianza saa 4:00 asubuhi kwa kisomo cha Qur'an kutoka kwa Qari mashuhuri wa kimataifa, kikifuatiwa na wimbo wa taifa.
Hafla hiyo ilihudhuriwa na familia za mashahidi, maveterani wa vita, maafisa wa jeshi na serikali, wanadiplomasia, maafisa wa kijeshi wa balozi mbalimbali za kigeni, pamoja na wageni wa kimataifa, wakiwemo vijana kutoka harakati za mapambano na viongozi mashuhuri wa kitamaduni na kisiasa kutoka nchi za Kiislamu.
Mapinduzi ya Kiislamu Yamefanya Mapambano Kuwa Dira Kuu Katika Kanda: Mchambuzi
Kila mwaka, mamilioni ya Wairani kote nchini huadhimisha siku kumi za sherehe kwa kumbukumbu ya ushindi wa Mapinduzi ya Kiislamu ya 1979, ambayo yaliangusha utawala wa kifalme wa Pahlavi uliokuwa ukiungwa mkono na Marekani.
Siku ya kurejea kwa Imam Khomeini nchini Iran inaashiria mwanzo wa siku kumi za Fajr, ambazo hufikia kilele chake kwa maandamano makubwa katika kumbukumbu ya ushindi wa Mapinduzi ya Kiislamu tarehe 10 Februari mwaka huu 2025.
Taifa la Iran liliuangusha utawala wa Pahlavi ulioungwa mkono na Marekani miaka 46 iliyopita, likihitimisha miaka 2,500 ya utawala wa kifalme nchini humo.
Mapinduzi ya Kiislamu, yaliyoongozwa na Imam Khomeini (MA), yaliunda mfumo mpya wa kisiasa uliojengwa juu ya misingi ya Kiislamu na demokrasia.
